كيكة الحلوى البحرينية.

من طرف **عيون شقيه** الجمعة أغسطس 20, 2010 3:24 am

بسم الله الرحمن الرحيم

والسلام عليكم ورحمة الله وبركاته،

كيكة لذيذة وفي نفس الوقت محببة في أوقات اللمات مع القهوة العربية، لما تزيد عندج كمية من الحلوى، خليها في الثلاجة لين ما تصير جامدة وطلعيها وقطعيها مكعبات وسوي هالكيكة،

كيكة الحلوى

كيكة الحلوى البحرينية. IMG_3604

المقادير:

كوب ونص طحين كويتي فاخر
4 بيضات
ثلثين كوب زيت
ثلثين كوب سكر
ربع كوب ماء ورد مخلوط فيه زعفران (تقدرين تقللين كمية ماء الورد وتخلينه بداله ماي عادي)
ملعقة كبيرة هيل
ملعقة ب ب (باكينغ باودر)
رشة بيكربونات الصوديوم
قطع من الحلوى (مقطعة مكعبات ومغموسة في النشاء أو الطحين على تكون على شكل قطع داخل الكيكة)

كيكة الحلوى البحرينية. IMG_3605

الطريقة:

- إخفقي البيض مع الهيل،
- ضيفي السكر وإخفقي لين ما يصير كريمي، وبعدين ضيفي الزيت وإخفقي،
- ضيفي ماء الورد والزعفران وخلطيهم،
- إنخلي الطحين وب ب وب الصوديوم، وضيفيهم فوق الخلطة، وإخفقي بالخلاط السلك لين ما يصير الخليط غليظ ويختفي الطحين،
- ضيفي قطع الحلوى واخلطي بالملعقة الخشبية،
- خلي الخليط في قالب مدهون، وحطي فوق سمسم حسب الرغبة، وحتى تقدرين تضيفين قطع الحلوى من فوق والمكسرات،
- دخلي القالب الفرن

وهذه الكيكة، وشوفوا شكل الحلوى من داخل،

كيكة الحلوى البحرينية. IMG_3608

وعليكم بألف عااااااااااافية

ملاحظة:

زاد لون الصفار فيها، لأن حطيت كمية كبيرة من الزعفران، مرة سويتها وكان لونها بيج على أصفر فاااتح بعد كانت حلوة ولذيذة